احساس غريب بالوحده......لما تحس انك عايز اول حد تقابله تعرفه او متعرفوش تخده في حضنك وتعيط ... مش عارفة اتنفس من الخنقه..حتي النفس اللي داخل بيجرح

قلب مفتوح

دائما تتخطي حدود الخيال بافكار تغدو... وتروح

بين ذكريات لم ولن تحدث

لتصبح ذكريات وهمية

تبكي وتضحك...يبتسم قلبها ابتسامة واهية.... تشعر بالالم وتدرك حقيقتها

عقل مفتوح عايش بقلب مفتوح

دفاتري القديمة

بقلب في اوراقي القديمة لقيت سطور كنت كتبها زماااااان ....

قعدت اضحك اوي عليا .. من الاسلوب والكلمات الماساوية والحركات بتاعت اول حب دي ..هي اقرب للخواطرمن انها تكون اي حاجة تانية.. جرت لمخيلتي ذكريات كتيرة بس اللي افتكرته اوي ساعاتها ان انجرحت اوي من حبيبي الاولاني ..وعرفت كمان حاجة عن نفسي اني مابنساش جرحي وبيرجع تاني يجرحني حتي لو عدي كام سنة...

اقروها واضحكوا معايا عليا...........و

حيران أنا طائر حزين

اطير وارجع للحنين

تراني تجدني كالأسد في العرين

ولكني عصفور في العش مسكين

بدا في الأفق حبيبب

وقلب حبيبي عن قلبي بعيد

ولكن قلبي من قلبه قريب

اخاف يوما ان ياتي المغيب

ويصبح قلبي في الكون وحيد

اعيش في الدنيا وحيد

أصبح في الحب عبيد

ويبعد عني طيف الحبيب

أنادي ولكن مافي مجيب

أحيا في وطني الجميل طريد
وأقول للدنيا لك العمر المديد

وان كان قلبي مليئا بالجروح

فقد ابقي لي بعد الطموح

وان كان عمري كتاب حزين

فلقد عزمت ان اصبح عنيد

وافتح لقلبي كتاب جديد

واعيش في دنيا جديده سعيد

بجد فطست علي نفسي من الضحك وانا بكتبها... معنديش اي مانع للتريقة.... يلا سلام عليكوا

رضوي

حسبنا الله ونعم الوكيل

يوم عادي زي بقيت الايام... صاحيه الصبح اروح الكلية ...وانا شرقاوية وكليتي ف الجيزه فطبعا مشوار الطريق الزراعي ...

ركبت الميكروباص وفي نص الطريق ... لقينا زحمة كتيرة والعربيات مش بتتحرك والطريق بيتحرك كل عشر دقائق... متر ..

طبعا عايزين نعرف فيه ايه ...حادثه والجثة لسه ميرميه ع الارض ...واحده واحده وصلنا مكان الحادثه

ست في منتصف العمر زي امي وامك ...خارجه تروح شغلها بتعدي الطريق عربيه هايجه خبطتها ..ركنوها علي جنب الطريق ...ساعتين الحادثه من الساعة 6 والساعة 8 كانت لسه مرمية علي الارض مغطينها بالجرايد وكل شوية الجرايد تطير

كل ده علشان طبعا بتوع الاسعاف والشرطة مابيصحو ش بدري كده هيقلقوا من نومهم علشان معرفش مين ..جري لها ايه!!!!

الجثة مرمية ع الارض والعربيات رايحةجايه واهل البلد كلهم واقفين جنب الجثه لحد محد يجي يثبت الحادثة

احنا بقينا ولا العراق وفلسطين

ربنا يرحمها ويرحمنا احنا كمان........و

إلقى لك حد .. لو ضاقت بيك يفتح لك قلب

الاغنية دي دايما بتشدني كل مابسمعها ...

اولا الموسيقي اللي في الاول ع العود تقريبا بتخدني وبعدين وهي بتقول القي لك حد ..احس اني عايزة اتنهد تنهيده طويلة بعدها

واسند راسي علي اي حاجة قريبة واقعد افكر في حياتي

الاغنية هنا

إلقى لك حد .. لو ضاقت بيك يفتح لك قلب

إلقى لك حد .. لو ضاقت بيك يفتح لك قلب
يبقى لك صحبة و أهل و بيت.....يناديك لو إنت في يوم ضلّيت
يبقى لك صحبة و أهل و بيت.....يناديك لو إنت في يوم ضلّيت
و يشوفك لو ع الخلق داريت

و يشوفك لو ع الخلق دار يت

و يحسّك رغم البين و البعد
إلقى لك ح......د
إلقى لك حلم من الأحلام
ماتسيبش سنينك للأوهام...

إلقى لك حلم من الأحلام

ماتسيبش سنينك للأوهام
دي الدنيا ما بين أفراح و آلام
الشوك تسقيه ..يطرح لك ورد
إلقى لك حد

إلقى لك قلب يحن إليك
و حبيب يشتاق و يروح يرضيك

إلقى لك قلب يحن إليك و حبيب يشتاق و يروح يرضيك
لو طالت في الأيام لياليك

لو طالت في الأيام لياليك
يبقى لك فجر و شمس و غد

فجر و شمس و غد
إلقى لك حد...إلقى لك حد..إلقى لك حد

بنت مصرية

سلام عليكم

اسمي رضوي... تلميذه في 3 فنون تطبيقية....اتكعبلت بالصدفة في صفحات البلوجرز وانا بقلب علي النتبجد الموضوع شدني اوي...انا من زمان بحب التواصل مع الناس باي شكل اعبر عن افكاري وحياتيزمان اوي دخلت في موضوع السياسة ... كنت باسمع الاذاعات واتفرج علي النشر ة وكانت اذاعة البي بي سي عشقي ,اولا ... تلاحظ حاجة ان نبرة صوت المذعين فيها مختلف عن اي اذاعة تانية ... تلاقي الصوت رخيم وقوي والكلام متفسر جدا تاثرت دائما بمحمود المسلمي وسمير فرح وبرنامج الرائع اوراق ( أوراق هو برنامج جديد

يسمح للروائيين الهواة، وهواة الكتابة عامة، بالتعبير عن مواهبهم الأدبية في شتى أنواع الكتابة، الصحفية أو الإذاعية أو التلفزيونية، أو

الشعر أو الأغنية. يستضيف البرنامج كل أسبوع الكاتبة الروائية هاديا سعيد، وهي صاحبة كتب ناجحة كثيرة مثل ضربة قمر ونساء خارج النص وبستان أسود الحائز على جائزة الكاتبة للرواية العربية. وتستعرض السيدة هاديا سعيد ما يرسله مستمعو إذاعة البي بي سي من قصص قصيرة وتختار أفضل واحدة منها لكي تقرأها وتعطي ملاحظاتها عليها ونصائحها لكاتبها. بالإضافة إلى لقاءات مع كتاب وصحافيين وشعراء وكتاب أغان. يخصص البرنامج جائزة رمزية شهرية لصاحب أفضل قصة قصيرة)كنت عندما تتهادي اصوات الننر اجري من مكان الي حانب الراديو لاستمع اليه وبعد توقف البرنامج بطلت اسمع الاذاعة خالص

كنت ممكن اطلب مواعيد البرامج تجيلي لحد البيت .. ابعتلهم ع النت ويجيلي خطاب مسجل بعلم الوصول (معرفش العبارة دي معناها ايه بس تحسسك ان حاجه مهمه وصلتك..صح!!ه

كنت طبعا علي الفاضي والمليان ابعتبهم علشان احتفظ عندي باكبر كم عندي حاجة زي كده بس في مطبوعة فاخرة بالازرق كنت بحب شكلها اوي ...

.. كان في برنامج تاني اسمه نقطةحوار ..موضوع ما بيطرحوه ويناقشوه عن طريق حوار بين شخصين من دول مختلفة ,الظريف في الموضوع انهم هما اللي بتصولوا بيك تبعت ميل اومسج وهما يتصلوا بيك علي طول عارفين اللي فيها

لا بجد .. تحس ان شغل ناس محترمة... ايه غرضها من البرنامج ..تستطلع اراء الناس ,طيب ...والناس ايه مشكلتهم في التواصل ... الاتصال ...طيب سهلهم ياعم الحته دي

كانت طبعا اختكم من بتوع ابعت.. كنت ابعت ميل او مسج ويتصلوا وارغي عن اي حاجة سياسه بقي ثقافة فن ..كلة شغال بس اغلب الاوقات كانت عن الاحداث الجارية

المهم لحاجات دي كلها اتغيرت مبقاش في اوراق ونص البرامج اتشالت مبقتش اسمع الاذاعة خالص ..لكن هي كانت وماتزال مصر

اخباري مهم ليا ابقوا بوصوا عليها

وعلي فكرة ممكن تسمعوا الاذاعة مباشرة من ايكونه هناك علي الشمال

اكملكوا بعدين....

سلام عليكم

by